Haal Beef Biryani : मल्याळम् चित्रपट ‘हाल’मधून ‘गोमांसयुक्त बिर्याणी’चे दृश्य काढण्याची ‘सेन्सॉर बोर्डा’ची सूचना !

तिरूवनंथपूरम् (केरळ) – मल्याळम् अभिनेते शेन निगम यांच्या आगामी ‘हाल’ नावाच्या चित्रपटामध्ये गोमांसयुक्त बिर्याणी खात असलेला प्रसंग असल्याचे सांगितले गेले आहे. त्यामुळे कधी नव्हे एवढी संवेदनशीलता केंद्रीय चित्रपट परिनिरीक्षण मंडळाने (‘सेन्सॉर बोर्डा’ने) दाखवली असून चित्रपटात सुचवलेल्या १५ पालटांपैकी हे दृश्य काढण्यासही सांगितले आहे. तथापि या निर्णयाच्या विरोधात चित्रपट निर्मात्यांनी केरळ उच्च न्यायालयात याचिका केली आहे.

चित्रपटाच्या जनसंपर्क अधिकार्‍यांच्या म्हणण्यानुसार सेन्सॉर बोर्डाने ‘ध्वजाला वंदन करणे’ आणि ‘गोमांसयुक्त बिर्याणी खाणे’ हे दोन प्रसंग काढण्यास सांगितले आहे. चित्रपटात गोमांसयुक्त बिर्याणी दाखवली नसून ‘सेन्सॉर बोर्डा’चा अपसमज झाला आहे, असा दावा त्यांनी केला. ‘हाल’ चित्रपट १० सप्टेंबरलाच बोर्डाच्या सदस्यांना दाखवण्यात आला होता.