विहिंप-मातृशक्ती, दुर्गावाहिनी आयोजित कुंकूमार्चन सोहळ्यात १२५ युवती-महिला यांचा सहभाग !

कोल्हापूर, ५ ऑक्टोबर – नवरात्रीच्या निमित्ताने विश्व हिंदु परिषद, मातृशक्ती, दुर्गावाहिनी यांच्या वतीने आयोजित मंगलधाममध्ये झालेल्या ‘कुंकूमार्चन सोहळ्या’त पंचक्रोशीतील १२५ युवती-महिला सहभागी झाल्या होत्या. सर्व सहभागी महिलांना कुंकू-पादुकासह पूजा साहित्य देण्यात आले. ‘महिला आणि युवती यांनी त्यांचा आत्मविश्वास वाढवण्यासाठी लाठी-काठी प्रशिक्षण घ्यावे’, असे आवाहन या वेळी जान्हवी पाटील यांनी केले.

या प्रसंगी जिल्हामंत्री विनय बारड आणि उपाध्यक्ष शांतीलाल लिंबानी यांच्या हस्ते प्रारंभी शस्त्रपूजन करण्यात आले. श्वेता कुलकर्णी यांनी श्री महालक्ष्मीदेवीच्या १ सहस्र ८ नावांच्या श्रीसुक्ताचे पठण केले. हा सोहळा यशस्वी होण्यासाठी संयोजिका अश्विनी ढेरे, तेजश्री जोशी, विश्व हिंदु परिषद जिल्हाध्यक्ष कुंदन पाटील, श्रीकांत पोतनीस यांसह अन्यांचा सहभाग होता.