आम्ही हमास, हिजबुल्ला आदी सर्व शत्रूंना नष्ट केले ! – Netanyahu In UN

वॉशिंग्टन (अमेरिका) – गेल्या वर्षभरात परिस्थिती पालटली आहे. इस्रायलने त्याच्या सर्व शत्रूंचा नाश केला आहे. आम्ही येमेनमधील हुती, गाझामधील हमास, लेबनॉनमधील हिजबुल्ला, तर सीरियातील असद आणि सर्वांत महत्त्वाचे म्हणजे इराणचा अणूप्रकल्प नष्ट केला आहे, अशी माहिती इस्रायलचे पंतप्रधान बेंजामिन नेतान्याहू यांनी संयुक्त राष्ट्रांच्या महासभेत दिली.

🇮🇱 “We destroyed Hamas, Hezbollah & others!” — Netanyahu at UNGA.

👉 Many ambassadors boycotted the speech.

👉 His plane avoided European airspace fearing arrest over alleged war crimes.

✍️ Regardless of views on Netanyahu, one fact stands out: Israel demonstrates an… pic.twitter.com/o8X65HudR2

— Sanatan Prabhat (@SanatanPrabhat) September 27, 2025

नेतान्याहू यांचे भाषण चालू होताच अनेक देशांच्या राजदूतांनी त्यावर बहिष्कार टाकत ते सभागृहातून बाहेर पडले. तरीही नेतान्याहू यांनी त्यांचे भाषण चालूच ठेवले.

הנאום המלא של ראש ממשלת ישראל באו״ם >>

The full speech of the Prime Minister of Israel at the UN >> pic.twitter.com/tt2Q9WoXmJ

— Benjamin Netanyahu – בנימין נתניהו (@netanyahu) September 26, 2025

इराणच्या अणूप्रकल्पांचा उद्देश अमेरिकेला धमकावणे ! – नेतान्याहू

इराणचा अणूप्रकल्प केवळ इस्रायलचा नाश करण्यासाठी नाही, तर अमेरिकेला धमकावणे, तसेच जगभरातील देशांवर दबाव आणणे, हाही त्याचा उद्देश आहे, असेही नेतान्याहू या वेळी म्हणाले. ‘मी याआधी संयुक्त राष्ट्रांसमोर उभा होतो, तेव्हा इराण त्याचे अणू आणि क्षेपणास्त्र कार्यक्रम वेगाने वाढवत होता. त्याचे ‘प्रॉक्सी’ (प्रतिनिधी) असलेले हमास आणि हिजबुल्ला इस्रायलला सतत लक्ष्य करत होते; पण आता इस्रायलने हे धोके दूर केले आहेत’, असेही ते म्हणाले.