सनातन प्रभात > Post Type > बातम्या > राष्ट्रीय बातम्या > Perplexity AI Advertisement : सनातनचे साधक नीलेश चितळे यांनी आस्थापनाला पत्र पाठवून करून दिली जाणीव

Perplexity AI Advertisement : सनातनचे साधक नीलेश चितळे यांनी आस्थापनाला पत्र पाठवून करून दिली जाणीव

  • अमेरिकी आस्थापन ‘परप्लेक्सिटी एआय’ने विज्ञापनात भारताचा चुकीचा नकाशा वापरल्याचे प्रकरण

  • पडताळणी करत असल्याचे आस्थापनाचे उत्तर

फोंडा (गोवा) – अमेरिकी आस्थापन ‘परप्लेक्सिटी एआय’ या संकेतस्थळावरील शोध इंजिनच्या विज्ञापनात भारताचा चुकीचा नकाशा प्रसारित करण्यात आला आहे. यात पाकव्याप्त काश्मीर हा महत्त्वाचा भाग वगळण्यात आला आहे. हे विज्ञापन हिंदीमध्ये भारतात प्रसारित करण्यात आले आहे. त्यामुळे भारतियांकडून सामाजिक माध्यमांमध्ये संताप व्यक्त करण्यात येत आहे. या संदर्भात सनातनचे साधक श्री. नीलेश चितळे यांनी ‘परप्लेक्सिटी एआय’ आस्थापनाला पत्र पाठवून या चुकीची जाणीव करून दिली. त्यावर आस्थापनाकडून याची पडताळणी केली जात असल्याचे उत्तर पाठवण्यात आले.

श्री. नीलेश चितळे

श्री. चितळे यांना दिलेल्या उत्तरात आस्थापनाच्या सॅम नावाच्या अधिकार्‍याने म्हटले की, तुम्ही या महत्त्वाच्या घटनेकडे आमचे लक्ष वेधून दिल्यासाठी धन्यवाद. आमच्या विज्ञापनातील नकाशाच्या सादरीकरणाशी संबंधित ही समस्या तुम्ही कळवल्यासाठी मी आभारी आहे. तुमचा अभिप्राय मी आमच्या पथकाकडे तात्काळ तपासणीसाठी पाठवला आहे. आमच्या सहकार्‍यांपैकी एक याची छाननी करून आवश्यक ती कार्यवाही करेल. पुढे यात आस्थापनाने असेही म्हटले आहे की, कृपया लक्षात ठेवा की, तुम्ही दिलेल्या आणखी प्रतिसादांमुळे तुमची विनंती सूचीच्या शेवटी जाईल आणि उत्तर मिळण्यास विलंब होऊ शकतो.

संपादकीय भूमिका

देशाच्या नकाशाचे विकृतीकरण करणार्‍या आस्थापनावर सरकारने तात्काळ बंदी घातली पाहिजे !

नूतन लेख