‘सनातन राष्ट्र शंखनाद महोत्सवा’चे थेट प्रक्षेपण (‘ऑनलाईन’) पाहून प्रभावित झालेल्या पाटणा (बिहार) येथील पाक्षिक ‘सनातन प्रभात’च्या एक वाचिका !

१. ‘पाटणा (बिहार) येथील पाक्षिक ‘सनातन प्रभात’च्या एका वाचिकेने ‘सनातन राष्ट्र शंखनाद महोत्सवा’चे थेट प्रक्षेपण (‘ऑनलाईन’) पाहिले. त्यांना हा महोत्सव अतिशय चांगला वाटला. सच्चिदानंद परब्रह्म डॉ. आठवले यांचे मार्गदर्शन ऐकून त्यांना पुष्कळ प्रेरणा मिळाली. त्यांनी कार्यक्रम पाहिल्यानंतर त्वरित अर्पण दिले.

२. सनातन संस्थेचे व्यापक कार्य त्या वाचिकेच्या लक्षात आल्यानंतर त्यांच्यामधील ‘सनातन प्रभात’चे वितरण करणार्‍या साधिकेच्या प्रतीच्या भावत वृद्धी झाली. यापूर्वी जेव्हा ‘सनातन प्रभात’चे वितरण करणारी साधिका अंक देण्यासाठी त्या महिलेच्या घरी जात असे, तेव्हा त्या जिना उतरून खाली येत नसत. त्या महिलेने महोत्सवाचे प्रक्षेपण पाहिल्यानंतर ती महिला स्वतःहून ‘सनातन प्रभात’चा अंक घेण्यासाठी खाली आली.

३. त्या वाचिकेला महाधन्वन्तरि यागाचा प्रसाद देतांना त्यांनी दोन्ही हातांनी ओंजळ करून तो प्रसाद स्वीकारला आणि तो स्वतःच्या हृदयाशी ठेवून नमस्कार केला.

४. ‘सनातन प्रभात’चे वितरण करणारी साधिका वाचिकेच्या घरात असेपर्यंत ती वाचिका भावावस्थेत होती.

५. ‘सनातन प्रभात’च्या अंकातील ‘सनातन राष्ट्रध्वजा’चे चित्र पाहून महिला वाचकांनी त्या ध्वजाला नमस्कार करून अंक घेतला.’

– श्रीमती सुनीता सिंह, पाटणा, बिहार. (२६.५.२०२५)