चारकोप (मुंबई) येथील मनसेच्या मंचावर हिरवा झेंडा !

मुंबई – येथील एका मंचावर आणि फलकावर मुसलमानांना इद-ए-मिलाद च्या शुभेच्छा देणारे फलक आहेत. येथे हिरवा झेंडाही लावला आहे. ‘या शुभेच्छा मनसेच्या वतीने देण्यात येत आहेत’, असे त्यावर लिहिले आहे. येथे उद्धव आणि राज अन् बाळासाहेब ठाकरे यांच्या छायाचित्रांचा एकत्र फलकही आहे. या संदर्भात येथील एका मुसलमानाने माध्यमांना सांगितले, ‘‘आम्ही एक आहोत. भेद पाडणार्‍यांना ही चपराक आहे. आम्ही यांच्यात पूर्वीपासून आहोत. आम्ही जातीभेद करत नाही. त्यांनी एकतेचा सलोखा पाळला म्हणून आम्ही त्यांच्यासमवेत आहोत.’’ या वृत्ताचा व्हिडिओ वृत्तवाहिनीवर प्रसिद्ध झाला आहे.