‘अखिल गोवा राज्यस्तरीय किल्ला बनवणे स्पर्धा’ आयोजित करा !

पणजी – फोंडा येथील शिवप्रेमी आणि हिंदुत्वनिष्ठ यांनी ८ सप्टेंबरला मंत्री श्री. सुभाष फळदेसाई आणि आमदार श्री. कृष्णा साळकर यांच्यासह मुख्यमंत्री डॉ. प्रमोद सावंत यांची पणजी येथे भेट घेऊन त्यांच्याकडे ‘अखिल गोवा राज्यस्तरीय किल्ला बनवणे स्पर्धा’ आयोजित करण्याची मागणी केली. याला मुख्यमंत्री प्रमोद सावंत यांनी सकारात्मक प्रतिसाद दर्शवतांना आवश्यक ते सर्व साहाय्य करण्याचे आश्‍वासन दिले. या संदर्भात फोंडा येथे ९ सप्टेंबरला सायंकाळी ५.१५ वाजता स्पर्धेचा आराखडा आणि नियम ठरवण्याच्या संदर्भात बैठक होणार असून त्यानंतर पत्रकार परिषद होणार आहे.