Karnataka Freedom Fighters : कर्नाटकाच्या काँग्रेस सरकारने स्वातंत्र्यसैनिकांचा मासिक सन्मान निधी थकवला !

बेंगळुरू (कर्नाटक) – ब्रिटीश राजवटीविरुद्ध लढा देऊन कारावास भोगलेल्या राज्यातील स्वातंत्र्यसैनिकांना मिळणारे मानधन राज्य सरकारने अनेक महिन्यांपासून थकवले आहे. या थकलेल्या रकमेने ४ कोटी ८५ लाख रुपयांचा आकडा पार केला आहे. राज्यातील १५० स्वातंत्र्यसैनिकांना प्रतिमास १० सहस्र रुपये मानधन मिळते. सरकारने अनेक महिन्यांपासून हे मानधन दिले नाही. याविषयी स्वातंत्र्यसैनिकांनी अप्रसन्नता व्यक्त केली आहे.

या संदर्भात महसूलमंत्री कृष्णा बायरेगौडा म्हणाले, ‘‘राज्यातील अनेक जिल्ह्यांमधील स्वातंत्र्यसैनिकांचे मासिक मानधन थकले असल्याचा विषय माझ्या निदर्शनास आला आहे. हे मानधन टप्प्याटप्प्याने दिले जाईल. (वास्तविक मानधन का थकवण्यात आले, याची माहिती काँग्रेस सरकार देणार का ? – संपादक)