जयजयकार सनातन राष्ट्राचा !

वेदमंत्र हो जिथे प्रकटले,ज्ञान अन् भक्ती यांची गंगा वाहे ।
ऋषिमुनींची तपोभूमी ही,दिव्य अनुभव चैतन्याचा ।
अभिमान अशा राष्ट्राचा,जयजयकार सनातन राष्ट्राचा ।। १ ।।

विद्या अन् कला यांचा सुरेख संगम, नित्य भजे जन गुरु-गोविंदम् ।
योगसाधना साधे सोहम्, घडे साक्षात्कार सात्त्विकतेचा ।
अभिमान अशा राष्ट्राचा, जयजयकार सनातन राष्ट्राचा ।। २ ।।

त्याग अन् शौर्य यांची इथे परंपरा, ईश्वर अवतरे अधर्म मिटवाया ।
गगनी भगवी विजयपताका, वारसा दिव्य गुरुपरंपरेचा ।
अभिमान अशा राष्ट्राचा, जयजयकार सनातन राष्ट्राचा ।। ३ ।।

अंत समीप हा कलियुगाचा, अरुणोदय तो सत्ययुगाचा ।
विजयी रथ वैदिक धर्माचा, आनंद क्षण चराचर सृष्टीचा ।
अभिमान अशा राष्ट्राचा, जयजयकार सनातन राष्ट्राचा ।। ४ ।।

– सौ. गौरी कुलकर्णी, फोंडा, गोवा. (३०.३.२०२५)