२१ वर्षांपासून मूर्तीशास्त्रानुसार शाडूची श्री गणेशमूर्ती बसवणारे उंचगाव येथील बाल हनुमान तरुण मंडळ !

कोल्हापूर, ३० ऑगस्ट (वार्ता.) – उंचगाव येथील बाल हनुमान तरुण मंडळ हे गेल्या २१ वर्षांपासून मूर्तीशास्त्रानुसार शाडू मातीची श्री गणेशमूर्ती बसवते. या मूर्तीचे वैशिष्ट्य म्हणजे ही मूर्ती सनातन संस्थेने सिद्ध केलेल्या श्री गणेशमूर्तीप्रमाणे, तसेच त्या मापांप्रमाणे सिद्ध केलेली आहे. या मंडळाची स्थापना वर्ष १९८४ मध्ये झाली असून येथील श्री गणेश हा नवसाला पावणारा आहे. प्रत्येक वर्षी मंडळाच्या वतीने १ सहस्र भाविकांना महाप्रसाद दिला जातो. मंडळाचे स्वत:चे कार्यालय असून येथील विसर्जन मिरवणूक ही आदर्श असते. या मंडळात युवासेना उपजिल्हाप्रमुख श्री. सुनील चौगुले, सर्वश्री संतोष (भाऊ) चौगुले, सचिन गुरव, अनिल गाताडे, नितीन निकम, गणेश चव्हाण, लखन चव्हाण, हिंदु जनजागृती समितीचे श्री. शिवानंद स्वामी यांसह अन्य कार्यकर्ते विशेष परिश्रम घेत आहेत.