सोहळा अखंडतेचा !

आज तिथीनुसार ‘स्वातंत्र्यदिन’ आहे. त्या निमित्ताने…

स्वातंत्र्यदिन सोहळा
देशाच्या परमभाग्याचा ।

शतकांच्या अभिलाषेने
दिन गवसला अमृताचा ।। १ ।।

भेदाभेद आपसांतला
हा शाप जन्मजन्मांतरीचा ।

उद्धार जसा पदस्पर्शाने
दिन गवसला मुक्ततेचा ।। २ ।।

युगे युगे महती गातो
मेरुमणी हा विश्वाचा ।

एक दिलाने आज प्रार्थूया
दिन गवसेल अखंडतेचा ।। ३ ।।

इशारा साधकांचा !

स्वातंत्र्यदिन आज देशाचा
भारतियांच्या पक्क्या इराद्यांचा ।

देशास या तोडू पहाणार्‍यांनो
देतो इशारा हा निर्वाणीचा ।। १ ।।

शतकांच्या दुहीच्या कलहाने
देश अंतरबाह्य पोखरला ।

अभेद्य एकतेस फोडू पहाणार्‍यांनो
ठेचू त्या दुहीच्या संसर्गाला ।। २ ।।

ठेवा आमच्या उच्च संस्कृतीचा
जगी तोड नाही महानतेला ।

उज्ज्वल भविष्यासाठी साधकांनो
बनू चिरा तिच्या तटबंदीचा ।। ३ ।।

– श्री. महेश पारकर, शिरोडा, गोवा. (१४.८.२०२५)