सनातन प्रभात > Post Type > बातम्या > राष्ट्रीय बातम्या > Lord Jagannath On Doormat : ‘अलीएक्सप्रेस’वर विक्रीस ठेवलेल्या पायपोसवर छापली भगवान जगन्नाथाची प्रतिमा !

Lord Jagannath On Doormat : ‘अलीएक्सप्रेस’वर विक्रीस ठेवलेल्या पायपोसवर छापली भगवान जगन्नाथाची प्रतिमा !

चिनी आस्थापनांचा हिंदुद्वेष !

भुवनेश्वर (ओडिशा) – चीनमधील ‘अलीएक्सप्रेस’ या ऑनलाईन वस्तूंची विक्री करणार्‍या आस्थापनाने ‘भगवान जगन्नाथ मंडला आर्ट डोरमॅट’ या नावाने एक पायपोसची ऑनलाईन विक्री आरंभली आहे. या पायपोसवर भगवान जगन्नाथाची प्रतिमा छापलेली आहे. हिंदु श्रद्धेचा अपमान करणार्‍या या कृतीमुळे सामाजिक माध्यमांवर हिंदूंनी यावर टीका केली असून संताप व्यक्त केला आहे.

१. या पायपोसच्या विज्ञापनात एका व्यक्तीला त्या प्रतिमेवर पाय ठेवतांना दाखवले गेले आहे. उत्पादनाच्या वर्णनात त्याला ‘आर्द्रता शोषणारा’ असे सांगितले आहे. यामुळे हिंदूंच्या धार्मिक भावना दुखावल्या आहेत.

२. ‘ही गोष्ट म्हणजे धार्मिक विटंबनेची परिसीमा आहे. आंतरराष्ट्रीय मंचांनी अशा प्रकारच्या वस्तूंना अनुमती देऊ नये’, अशा शब्दांत हिंदूंनी संताप व्यक्त केला आहे.

३. पुरी (ओडिशा) येथील भगवान जगन्नाथ मंदिर समितीचे माजी सदस्य मधव पुजापंडा यांनी या प्रकारावर तीव्र आक्षेप घेतला आहे. त्यांनी मंदिर प्रशासनाला आवाहन केले आहे की, या प्रकरणाची माहिती राज्य आणि केंद्र सरकार यांना दिली जावी आणि चिनी अधिकार्‍यांशी संपर्क साधून या उत्पादनाच्या विक्रीवर तातडीने बंदी आणली जावी.

४. या आस्थापनाने या उत्पादन ऑनलाईन विक्री तात्काळ थांबवा आणि हिंदूंची क्षमा मागावी, अशी मागणी हिंदूंनी केली आहे.

(ही छायाचित्रे छापण्यामागे लोकांच्या धार्मिक भावना दुखावण्याचा उद्देश नसून केलेले विडंबन कळावे, या उद्देशाने ही प्रसिद्ध केली आहेत. –  संपादक)

संपादकीय भूमिका

जगभरात हिंदूंचे परिणामकारक संघटन नसल्यामुळेच हिंदूंच्या देवतांची अशा प्रकारे विटंबना केली जाते. अशी धर्महानी रोखण्यासाठी हिंदूंनी संघटित होन वैध मार्गांनी असले प्रकार रोखणे आवश्यक !

नूतन लेख