सच्चिदानंद परब्रह्म डॉक्टरांनी वर्ष २०१० मध्ये साधकांसाठी उच्चारलेले कौतुकाचे वाक्य वर्ष २०२५ मध्ये श्रीसत्‌शक्ति (सौ.) बिंदा सिंगबाळ यांनी पुन्हा उच्चारल्यावर ‘गुरुतत्त्व एकच असते’, याची प्रचीती येणे

‘३०.१.२०२५ या दिवशी श्रीसत्‌शक्ति (सौ.) बिंदा नीलेश सिंगबाळ या श्री. चेतन राजहंस (आध्यात्मिक पातळी ६८ टक्के, वय ४१ वर्षे) आणि श्री. आनंद जाखोटिया (आध्यात्मिक पातळी ६५ टक्के, वय ३८ वर्षे) यांच्याशी भ्रमणभाषवर बोलत होत्या. त्या वेळी मीही तिथे होते. श्रीसत्‌शक्ति (सौ.) सिंगबाळ त्या दोघांना म्हणाल्या, ‘‘आनंद’ हे आनंदाचे आणि ‘चेतन’ हे चैतन्याचे प्रतीक आहे.’’ त्यावर श्री. चेतन म्हणाले, ‘‘वर्ष २०१० मध्ये एका सेवेच्या संदर्भात मी आणि श्री. आनंद परात्पर गुरु डॉ. आठवले यांच्याशी बोलत असतांना त्यांनीही अगदी हेच वाक्य म्हटले होते. आज तुम्हीही तेच वाक्य म्हटल्याने आम्हाला ‘गुरुतत्त्व एकच आहे’, याची प्रचीती आली !’’

श्रीसत्‌शक्ति (सौ.) बिंदा सिंगबाळ या सच्चिदानंद परब्रह्म डॉ. आठवले यांच्या एक आध्यात्मिक उत्तराधिकारी आहेत. या प्रसंगातून ‘गुरुतत्त्व एकच असून ते कसे कार्यरत आहे’, हे मला शिकायला मिळाले.’

– सौ. प्रियांका चेतन राजहंस (आध्यात्मिक पातळी ६८ टक्के, वय ३८ वर्षे), सनातन आश्रम, रामनाथी, गोवा. (६.२.२०२५)