प्रत्येकाने स्वसंरक्षण प्रशिक्षण घेण्यासह साधना करणे आवश्यक ! – डॉ. आनंद भुसारी

यवतमाळ येथे गुरुपौर्णिमा महोत्सव !

यवतमाळ – मुलींना स्वसंरक्षण प्रशिक्षण देऊन आत्मनिर्भर करण्याचे महत्त्वपूर्ण कार्य करणार्‍या डॉ. आनंद भुसारी यांचा सत्कार करण्यात आला. ते म्हणाले, ‘‘पाश्चिमात्य संस्कृतीचे अंधानुकरण, विभक्त कुटुंबपद्धत, भ्रमणभाषचा अतिवापर यांमुळे व्यक्ती स्वतःच्या रक्षणासाठी काय करायचे, हे विसरून गेली आहे. धर्म, संस्कृती, योग विसरल्यामुळे गुंड प्रवृत्ती, बालगुन्हेगारी, लव्ह जिहाद, महिलांवरील अत्याचार वाढत आहेत. त्यासाठी प्रत्येकाने स्वसंरक्षण प्रशिक्षण घेण्यासह साधना करणे आवश्यक आहे.

‘मी आणि माझे कुटुंब’ यांतून बाहेर पडून राष्ट्र-धर्मासाठी एकत्र येणार्‍यांचे कुटुंब निर्माण करा ! – प्रफुल्ल खिवंसरा

वणी येथील महोत्सवात धर्मकार्याच्या माध्यमातून सनातन संस्थेशी जोडले गेलेले वणी येथील उद्योजक श्री. प्रफुल्ल खिवंसरा म्हणाले, ‘‘राष्ट्र आणि धर्म रक्षणासाठी संघटन महत्त्वाचे आहे. संयुक्त कुटुंब हे संघटनाचे आदर्श रूप आहे. ‘एक हैं तो ‘सेफ’ हैं । (एकत्र असलो, तर सुरक्षित राहू)’, ‘बटेंगे तो कटेंगे (विभागलो तर कापले जाऊ)’ ही वस्तूस्थिती आहे. त्यासाठी संघटनच महत्त्वाचे आहे. ‘मी आणि माझे कुटुंब’ यांतून बाहेर पडून राष्ट्र-धर्मासाठी एकत्र येणार्‍यांचे कुटुंब निर्माण करणे आवश्यक आहे. त्यासाठी प्रयत्न करूया.