‘आरोग्य भारती नगर’च्या वतीने शहरासह जिल्ह्यातील तालुक्यांमध्येही योगदिन साजरा !

नगर – ‘आरोग्य भारती नगर’च्या वतीने शहरासह जिल्ह्यातील तालुक्यांमध्येही जागतिक योग दिन मोठ्या उत्साहपूर्ण वातावरणात साजरा करण्यात आला. केडगाव येथील सरस्वती विद्यालयात झालेल्या योगदिनाच्या कार्यक्रमाला महानगरपालिका आयुक्त यशवंत डांगे, नगरसेवक, केडगाव भाजप मंडलचे अध्यक्ष, सचिव, मुख्याध्यापक आदी उपस्थित होते.

या प्रसंगी आयुक्त यशवंत डांगे यांनी विद्यार्थ्यांना योगदिनाचे महत्त्व सांगितले. आरोग्य भारती नगरच्या वतीने अहिल्यानगर महानगरासह पारनेर, पानोली, पिंपळगाव पिसा, राहुरी, नेवासा येथील विद्यालयांमध्ये योगदिन मोठ्या उत्साहपूर्ण वातावरणात साजरा करण्यात आला. विद्यार्थ्यांसह शिक्षक, पालक आणि ग्रामस्थ या कार्यक्रमामध्ये सहभागी झाले.