World Yogasana Championship : आजपासून कर्णावती (गुजरात)मध्ये पहिली विश्व योगासन स्पर्धा !

कर्णावती (गुजरात) – येथे ४ जूनपासून पहिली ‘जागतिक योगासन स्पर्धा’(चॅम्पियनशिप) चालू होणार आहे. या स्पर्धेमध्ये ४० हून अधिक देशांचे खेळाडू सहभाग घेतील. अमेरिकेचा योगासन संघदेखील या स्पर्धेमध्ये सहभाग घेण्यासाठी भारतात येणार आहे. ही स्पर्धा युवा व्यवहार आणि क्रीडा मंत्रालय, आयुष मंत्रालय आणि योगासन संस्था यांनी संयुक्तपणे आयोजित केली आहे.

ऑलिम्पिकमध्ये योगासनांना खेळ म्हणून समाविष्ट करण्याचे उद्दिष्ट !

वर्ष २०३६ मध्ये होणार्‍या ऑलिम्पिकमध्ये योगासनांना खेळ म्हणून समाविष्ट करणे, हे भारताचे मुख्य उद्दिष्ट आहे. खेळाच्या स्वरूपात योगासनांना व्यापक आंतरराष्ट्रीय मान्यता मिळवून देण्याच्या भारताच्या मोहिमेतील हे एक महत्त्वाचे पाऊल आहे. २७ मे या दिवशी केंद्रीय क्रीडामंत्री मनसुख मांडविया यांनी वर्ष २०३० मध्ये होणार्‍या ‘कॉमनवेल्थ गेम्स’मध्ये योगासनंचा समावेश करण्याची घोषणा केली होती.