ईदच्या पार्श्वभूमीवर मुख्यमंत्र्यांनी घेतला कायदा आणि सुव्यवस्थेचा आढावा

कायदा आणि सुव्यवस्थेचा आढावा घेताना मुख्यमंत्री देवेंद्र फडणवीस

मुंबई – आगामी ईद सणानिमित्त मुंबईसमवेत राज्यातील कायदा व सुव्यवस्थेचा मुख्यमंत्री देवेंद्र फडणवीस यांनी आढावा घेतला. मुख्यमंत्री देवेंद्र फडणवीस यांच्या अध्यक्षतेखाली सह्याद्री अतिथीगृह येथे आढावा बैठक घेण्यात आली. कौशल्य, रोजगार, उद्योजकता आणि नाविन्यता मंत्री मंगलप्रभात लोढा, आमदार सर्वश्री अस्लम शेख, अबू आझमी, अमीन पटेल, रईस शेख, अन्य विविध अधिकारी या वेळी उपस्थित होते. बृहन्मुंबई महानगरपालिका आणि मुंबई पोलिसांनी ईदनिमित्त केलेल्या उपाययोजनांची माहिती या वेळी देण्यात आली.

संपादकीय भूमिका

हिंदूंचे एवढे सण आहेत. हिंदूंच्या कुठल्या सणांच्या वेळी असा आढावा घ्यावा लागतो का ? ही स्थिती निर्माण होण्यास काँग्रेसचे निधर्मी सरकार कारणीभूत होते. हिंदुत्वनिष्ठ शासनाने आता ईदच्या वेळी कुणीही सामाजिक स्थिती बिघडवण्याचे धाडस करणार नाही, अशी स्थिती निर्माण करायला हवी !