Kerala RSS Leader Murder Case : एखाद्याला त्याच्या विचारसरणीसाठी कारागृहात टाकू शकत नाही ! – सर्वोच्च न्यायालय

नवी देहली – तुम्ही एखाद्याला त्याच्या विचारसरणीसाठी कारागृहात टाकू शकत नाही. आपण हा प्रकार पहात आहोत. त्यांनी एक विशिष्ट विचारसरणी स्वीकारली आहे; म्हणून त्यांना कारागृहात टाकले जाते, अशी टिपणी सर्वोच्च न्यायालयाने एका प्रकरणाच्या सुनावणीच्या वेळी केली.

वर्ष २०२२ मध्ये केरळमधील पलक्कड जिल्ह्यात रा.स्व. संघाचे नेते श्रीनिवासन् यांच्या झालेल्या हत्येच्या प्रकरणी बंदी घातलेल्या पॉप्युलर फ्रंट ऑफ इंडिया (पी.एफ्.आय.) या संघटनेचा केरळ शाखेचा तत्कालीन सरचिटणीस अब्दुल सतार याला आरोपी बनवण्यात आले आहे. त्याला न्यायालयाने जामीन संमत करतांना वरील टिपणी केली. न्यायालयाने म्हटले की, अब्दुलचा या हत्येत थेट सहभाग नव्हता.