Tral Terrorist Encounter : काश्मीरमध्ये ३ आतंकवादी ठार

पुलवामा (जम्मू-काश्मीर) – येथील त्राल भागात सुरक्षादलांसमवेत झालेल्या चकमकीत ३ आतंकवादी ठार झाले. येथे सुरक्षादलांकडून शोध मोहीम राबवली जात असतांना ही चकमक उडाली. ठार झालेले ३ आतंकवादी हे हिजबुल मुजाहिदीन या आतंकवादी संघटनेचे आहे. त्यांची ओळख अजून पटलेली नाही.

१. गुप्तचर यंत्रणांनी आतंकवाद्यांचा ठावठिकाणा कळवल्यावर भारतीय सैन्य, पोलीस आणि केंद्रीय राखीव पोलीस दल यांच्या सैनिकांनी संयुक्तपणे आतंकवाद्यांच्या विरोधात मोहीम राबवली.

२. आतंकवाद्यांना शोधण्यासाठी गेल्यावर त्यांनी सैनिकांवर मोठ्या प्रमाणात गोळीबार केला. त्यानंतर सैनिकांनी केलेल्या गोळीबारात आतंकवादी ठार झाले .

३. तीन दिवसांपूर्वी शोपिया येथे आतंकवाद्यांशी उडालेल्या चकमकीत लष्कर ए तोयबाचे ३ आतंकवादी ठार झाले होते.