Rafale-M Deal signedभारताने खरेदी केली २६ नवी ‘मरीन राफेल’ लढाऊ विमाने

फ्रान्ससमवेत ६३ सहस्र कोटी रुपयांचा केला करार

नवी देहली – भारत आणि पाकिस्तान यांच्यात युद्धाची स्थिती असतांना भारताने फ्रान्स समवेत भारतीय नौदलासाठी २६ मरीन राफेल लढाऊ विमाने विकत घेण्याचा करार केला. ६३ सहस्र कोटी रुपयांच्या या करारावर दोन्ही देशांच्या संरक्षणमंत्र्यांनी स्वाक्षरी केली. वर्ष २०२८ ते २०३२ या काळात ही विमाने भारताला मिळणार आहेत. ही विमाने भारतीय विमानवाहू नौका ‘आय.एन्.एस्. (इंडियन नेव्हल शिप) विक्रांत’वर तैनात करण्यात येणार आहेत.