America Debt Crisis : अमेरिकेत प्रत्येक नागरिकावर ८४ लाख रुपयांचे कर्ज

वॉशिंग्टन (अमेरिका) – अमेरिकेवरील कर्जाचा डोंगर सध्या ३६ ट्र्रिलियन डॉलर्सच्या पुढे गेला आहे. अवघ्या ४ महिन्यांत अमेरिकेचे कर्ज एक ट्रिलियन डॉलरने वाढले आहे. सध्या प्रत्येक अमेरिकी नागरिकावर १ लाख डॉलर्सपेक्षा अधिक, म्हणजे ८४ लाख रुपयांंचे कर्ज आहे. गेल्या आठवड्यात अर्थ विभागाने अमेरिकेच्या कर्जाची ही आकडेवारी घोषित केली आहे.