रेहानच्या भ्रमणभाषमध्ये आढळले १०० हून अधिक अश्लील व्हिडिओ !
भोपाळ (मध्यप्रदेश) – तीन वर्षांच्या बालिकेवर बलात्कार करण्यापूर्वी शिक्षक कासिम रेहान याने अश्लील व्हिडिओ पाहिल्याचे उघड झाले आहे. त्याने त्याच्या भ्रमणभाषमध्ये १०० हून अधिक अश्लील व्हिडिओ डाऊनलोड केल्याचाही पुरावा पोलिसांना मिळाला आहे. पोलिसांनी त्याचा भ्रमणभाष न्यायवैद्यक प्रयोगशाळेकडे (फॉरेन्सिक) तपाणीसाठी पाठवला आहे. या प्रकरणाचा खटला जलदगती न्यायालयात चालवण्यात येणार आहे.
पोलीस चौकशीस कासिम याने सांगितले की, घटनेच्या ४-५ दिवस अगोदरपासून तो मुलीवर लक्ष ठेवून होता. तिची शाळेत ये-जा करण्याची वेळ, वर्गाबाहेर जाण्याची वेळ आदींवर त्याने लक्ष ठेवले होते. घटनेपूर्वी त्याने शाळेतील मोकळ्या वेळेत एक अश्लील व्हिडिओ पाहिला होता. यानंतर काही वेळातच त्याला मुलगी प्रसाधनगृहात जातांना दिसली. त्या वेळी त्याने मुलीशी घृणास्पद कृत्य केले आणि त्याविषयी कुणालाही न सांगण्याची धमकी दिली. त्याला ती सोपे लक्ष्य वाटली, तसेच ‘ती हे कुणालाही सांगणार नाही’, अशी अपेक्षा त्याला होती.
संपादकीय भूमिका
|