शामली (उत्तरप्रदेश) येथील आयुष मलिक याने इस्लाम सोडून पुन्हा हिंदु धर्म स्वीकारला !

शामली (उत्तरप्रदेश) – येथील आयुष मलिक याने पुन्हा हिंदु धर्म स्वीकारला आहे. आयुषने यापूर्वी मुसलमान तरुणी चांदणी कुरेशी हिने केलेल्या बुद्धीभेदामुळे तिच्याशी विवाह केला होता आणि धर्मांतर केले होते. त्याने प्रसारित केलेल्या एका व्हिडिओमध्ये तो देवतांची पूजा करतांन, तसेच तसेच तो त्याचे वडील आणि आजी यांचे आशीर्वादही घेतांना दिसत आहे.

या व्हिडिओमध्ये तो पूर्वी ठेवत असलेली मोठी दाढी आणि केस कापल्याचे दिसत आहे. तो यात म्हणतो, ‘‘आई, मी इस्लाममध्ये गेलो होतो. मी धर्म पालटला होता; पण कुटुंबाच्या परिस्थितीमुळे आणि स्वतःच्या इच्छेने मी पुन्हा माझ्या कुटुंबाच्या मूळ हिंदु धर्मात परत आलो आहे. मला क्षमा कर.’’
शामली येथील औषध व्यावसायिक देवराज मलिक यांचा एकुलता मुलगा आयुष मलिक याचे हे प्रकरण गेल्या महिन्यात समोर आले होते. आयुषची व्यायाम प्रशिक्षक  चांदणी कुरेशी हिने त्याचा बुद्धभेद करून ४ वर्षांपूर्वी फसवणूक करून विवाह केला  होता. हे प्रकरण उघड आल्यानंतर चांदणी कुरेशी आणि तिच्या वडिलांना अटक करण्यात आली. ते सध्या कारागृहात आहेत.