हिंदूंच्या धार्मिक भावना दुखावणार्‍या ज्ञानेश महाराव यांच्या विरोधात गुन्हा नोंद करा ! – पेठवडगाव पोलीस ठाण्यात निवेदन

पेठवडगाव (जिल्हा कोल्हापूर) – प्रभु श्रीरामचंद्र आणि स्वामी समर्थ यांच्यावर अश्लाघ्य वक्तव्य करणार्‍या ज्ञानेश महाराव यांच्या विरोधात भारतीय न्याय संहिता कलम २९९ आणि ३०२ या अंतर्गत गुन्हा नोंद करा, या मागणीची तक्रार भाजप आध्यात्मिक आघाडीचे कोल्हापूर जिल्हाध्यक्ष श्री. मनोहर काटकर यांनी पेठवडगाव पोलीस ठाण्यात दिली आहे. या प्रसंगी सर्वश्री धनंजय गोंदकर, रमेश माळवदे, संतोष चौगुले, राजेंद्र जाधव, प्रमोद जगताप, गजेंद्र बुरुड, सौरभ शिंदे, सौ. सुप्रिया सचिन पाटील, डॉ. अभयसिंह यादव यांसह अन्य उपस्थित होते.