पुणे जिल्हाधिकार्‍यांनी छळ केल्याचा पूजा यांचा आरोप !
पुणे – वादग्रस्त सनदी अधिकारी पूजा खेडकर यांनी पुण्यात येऊन पोलिसांसमोर जबाब नोंदवावा, असे समन्स पुणे पोलिसांनी खेडकर यांना बजावले आहे. प्रशिक्षणार्थी पूजा खेडकर यांनी ‘पुण्याच्या जिल्हाधिकार्‍यांनी माझा छळ केला’, अशी तक्रार वाशिम पोलिसांकडे केली होती. ही घटना पुण्यातील असल्याने वाशिम पोलिसांनी पुढील चौकशीसाठी हे प्रकरण पुणे पोलिसांकडे वर्ग केले आहे.
विविध विभागांकडून चौकशी
प्रशिक्षणार्थी पूजा खेडकर आणि त्यांच्या कुटुंबियांची राज्य आणि केंद्र शासनाच्या विविध विभागांकडून चौकशी चालू करण्यात आली आहे. त्यात लाचलुचपत प्रतिबंधक विभाग, समाजकल्याण, प्राप्तीकर विभाग, अतिक्रमण अशा विविध विभागांनी चौकशीला प्रारंभ केल्याचे समजते. पूजा खेडकर यांनी परीक्षेसाठी दिलेल्या विविध कागदपत्रांचीही चौकशी करण्यात येत आहे.
मनोरमा खेडकर यांना अटक !
मुळशी तालुक्यातील एका शेतकर्‍याला पिस्तूल दाखवून धमकावल्याच्या प्रकरणी मनोरमा खेडकर यांच्यावर गुन्हा नोंद करण्यात आला होता. तेव्हापासून त्या पसार झाल्या होत्या. त्यांच्या अटकेसाठी ग्रामीण पोलिसांची ३ पथके कार्यरत होती. रायगड जिल्ह्यातील महाड तालुक्यातील हिरकणवाडीतील ‘पर्वती लॉज’मधून पोलिसांनी त्यांना अटक केली आहे. पूजा खेडकर यांचे वडील दिलीप खेडकर मात्र अद्यापही पसार झालेले आहेत.
पुणे येथे हिंदु जनजागृती समितीच्या ‘आदर्श गणेशोत्सव विसर्जन मोहिमे’ची यशस्वी सांगता !
सोलापूर येथे श्री गणेशमूर्तींचे शास्त्रानुसार विसर्जन करण्याविषयी हिंदु जनजागृती समितीकडून प्रबोधन
बांदा येथील पोलीस कर्मचारी वसाहत नव्याने बांधण्यासाठी बेमुदत उपोषणाची सामाजिक कार्यकर्त्याची चेतावणी
पुणे शहरांतील श्री गणेशमूर्ती विसर्जन मिरवणूक २८ घंट्यांनी संपली !
रस्त्यावर वस्तूंची विक्री करणार्या २ महिलांकडून पोलिसांवर आक्रमण !
स्वामीभक्तांचा २० सप्टेंबर या दिवशी जिल्हाधिकारी कार्यालयावर महामोर्चा