आंध्रप्रदेशात ८ वर्षांच्‍या मुलीवर १२ वर्षांच्‍या मुलांकडून सामूहिक बलात्‍कार करून हत्‍या

मृतदेह कालव्‍यात फेकला !

नंद्याल (आंध्रप्रदेश) – येथे इयत्ता तिसरीमध्‍ये शिकणार्‍या मुलीवर सामूहिक मुलीच्‍या शाळेतीलच ३ अल्‍पवयीन विद्यार्थ्‍यांनी बलात्‍कार करून तिची हत्‍या केल्‍याची घटना समोर आली आहे. या विद्यार्थ्‍यांनी पुरावा नष्‍ट करण्‍यासाठी मृतदेह कालव्‍यात फेकून दिला. मृतदेह अद्यापही सापडलेला नाही. ही मुलगी ८ वर्षांची आहे, तर २ आरोपी मुलांचे वय १२ वर्षे, तर तिसरा आरोपी १३ वर्षांचा आहे.

घटनेच्‍या वेळी मुलगी पगडियाला येथील उद्यानात खेळत होती. आरोपी विद्यार्थ्‍यांनी तिला खेळण्‍याच्‍या बहाण्‍याने निर्जनस्‍थळी नेऊन गुन्‍हा केला. मुलगी पालकांना घटनेविषयी सांगेल, या भीतीने आरोपी मुलांनी तिची हत्‍या करून करून मृतदेह जवळच्‍या कालव्‍यात फेकून दिला.