माजी मुख्यमंत्री दिवंगत वसंतराव नाईक यांना ‘भारतरत्न’ पुरस्कार देण्यासाठी केंद्र सरकारला विनंती करू ! – देवेंद्र फडणवीस, उपमुख्यमंत्री

मुंबई, १ जुलै (वार्ता.) – हरितक्रांतीचे जनक, बंजारा समाजाचे नेते आणि राज्याचे माजी मुख्यमंत्री दिवंगत वसंतराव नाईक यांची १ जुलै या दिवशी जयंती साजरी करत आहोत. त्यानिमित्ताने दिवंगत वसंतराव नाईक यांना भारतरत्न पुरस्कार देण्याची मागणी १ जुलै या दिवशी ‘पॉईंट ऑफ इन्फॉरमेशन’ याद्वारे विधानसभेत केली. याला उत्तर देतांना उपमुख्यमंत्री देवेंद्र फडणवीस म्हणाले की, दिवंगत वसंतराव नाईक यांना ‘भारतरत्न’ पुरस्कार देण्याविषयी यापूवी केंद्र सरकारकडे मागणी केलेली आहे. त्यानुसार त्यांना हा पुरस्कार देण्याविषयी पुन्हा एकदा केंद्र सरकारला विनंती करण्यात येईल.