Moradabad Love Jihad : महंमद फुझैलने ‘पबजी’ खेळाद्वारे हिंदु युवतीला प्रेमाच्या जाळ्यात ओढून केले धर्मांतर आणि विवाह !

लक्ष्मणपुरी (उत्तरप्रदेश) – राज्यातील मुरादाबाद जिल्ह्यात असलेल्या गालशहीद पोलीस ठाण्याच्या परिसरातील ही घटना आहे. मुरादाबाद येथील महंमद फुझैल याने मुंबईतील एका हिंदु युवतीला ‘पबजी’ या ऑनलाइन खेळाद्वारे प्रेमाच्या जाळ्यात ओढले. फुझैल काही दिवस मुंबईत रहात होता. पुढे तरुणी तिच्या आईचे न ऐकता  त्याच्याबरोबर पळून गेली. त्याने तिचे धर्मांतर करून तिच्याशी विवाह केला आणि तिचे ‘फातिमा’ असे नाव ठेवले. या नात्याचा मुलीच्या आईला राग होताच. एके दिवशी अचानक आईला पीडितेने संपर्क करून सांगितले की, फुजैल तिला मारहाण करत असतो.

काही दिवसांनी फुजैलने पीडितेच्या आईला संपर्क करून सांगितले की, पीडितेने  आत्महत्या करण्याचा प्रयत्न केला असून तिला रुग्णालयात भरती केले आहे. पीडितेच्या आईने मुरादाबाद गाठून पोलिसांकडे फुझैलच्या विरोधात तक्रार प्रविष्ट (दाखल) केली आहे. पोलिसांनी या प्रकरणी गुन्हा नोंदवला आहे. पीडितेची प्रकृती चिंताजनक आहे. तिचा आधीही विवाह झाला असून ती घटस्फोटित असल्याचे म्हटले जात आहे.