सनातन प्रभात > Location > आशिया > भारत > आसाम > Assam Hindu Girl Murder : आसाममध्ये मुसलमान तरुणाकडून हिंदु मुलीचे अपहरण, बलात्कार आणि निर्घृण हत्या !

Assam Hindu Girl Murder : आसाममध्ये मुसलमान तरुणाकडून हिंदु मुलीचे अपहरण, बलात्कार आणि निर्घृण हत्या !

आरोपी सरफराज हुसेन (डावीकडे)

गौहत्ती (आसाम) – आसाममध्ये सरफराज हुसेन नावाच्या मुसलमान तरुणाने हिंदु मुलीचे अपहरण केले, नंतर तिच्यावर बलात्कार करून तिची निर्घृण हत्या केल्याची घटना समोर आली आहे. या घटनेनंतर लोकांमध्ये संतापाची लाट पसरली. लोकांनी रस्त्यावर उतरून निदर्शने करत सरफराज हुसेनला फाशी देण्याची मागणी केली.

आसाममधीला बोंगईगाव येथील महाबिरस्तान भागातील १६ वर्षीय मुलगी ५ मार्च २०२४ या दिवशी कामानिमित्त घरून बाहेर पडली होती. ती रात्री उशिरापर्यंत घरी न परतल्याने तिच्या कुटुंबियांनी तिचा शोध चालू केला. सर्व प्रयत्न करूनही ती सापडली नाही, तेव्हा कुटुंबियांनी पोलिसांत तक्रार प्रविष्ट केली. या तक्रारीच्या आधारे पोलिसांनी ६ मार्च या दिवशी गुन्हा नोंदवला. अखेर पोलिसांना तिचा मृतदेह रक्ताच्या थारोळ्यात सापडला. तिची बलात्कारानंतर निर्घृण हत्या करण्यात आल्याचे समोर आले. या घटनेनंतर लोकांमध्ये संतापाची लाट पसरली. मुलीच्या कुटुंबियांनी सरफराज हुसेन या मुसलमान तरुणाने त्यांच्या मुलीचे अपहरण, बलात्कार आणि हत्या केल्याचा आरोप केला. पोलिसांनी आरोपी तरुणाचा शोध चालू केला आहे.

मृत मुलीच्या कुटंबियांनी यापूर्वी या मुसलमान तरुणाच्या विरोधात तक्रार प्रविष्ट (दाखल) केली होती. मुलीच्या कुटुंबियांनी आरोप केला आहे की, सरफराज हुसेन याने त्यांच्या मुलीला फूस लावून तिला ओलीस ठेवले, तिच्यावर बलात्कार केला आणि नंतर तिची निर्घृण हत्या करून तिचा मृतदेह रेल्वे मार्गावर फेकून दिला.

बोंगईगावात तणाव वाढल्याने मोठा पोलीस बंदोबस्त तैनात करण्यात आला आहे. पीडितेला न्याय द्या, अशी मागणी करणारे फलक घेऊन शेकडो लोक रस्त्यावर उतरून आंदोलन करत आहेत.

संपादकीय भूमिका

कुठलेही सरकार लव्ह जिहाद रोखू शकत नाही, हे देशभरात वारंवार घडणार्‍या घटनांवरून सिद्ध झाले आहे. त्यामुळे लव्ह जिहाद रोखण्यासाठी आता हिंदु राष्ट्रच हवे !

नूतन लेख