पू. संभाजीराव भिडेगुरुजी यांच्यावर आक्रमण करणार्‍यांचा मुख्य सूत्रधार शोधून त्यांच्यावर कठोर कारवाई करावी !

हिंदु जनजागृती समिती आणि समस्त हिंदुत्वनिष्ठ संघटना यांचे भोर (पुणे) येथे निवेदन !

भोर (जिल्हा पुणे) – पू. संभाजीराव भिडेगुरुजींवर वेगवेगळ्या ठिकाणी काही समाजकंटकांकडून आक्रमणे करण्याचा, त्यांना त्रास देण्याचा, त्यांच्या गाड्या अडवण्याचा प्रकार होत आहे. पू. संभाजीराव भिडेगुरुजी यांच्यावर आक्रमण करणार्‍यांचा ‘मास्टर माईंड’ (मुख्य सूत्रधार) शोधून कारवाई करावी, या संदर्भातील निवेदन हिंदु जनजागृती समिती आणि समस्त हिंदुत्वनिष्ठ संघटना यांच्या वतीने ७ मार्च या दिवशी भोर येथील तहसीलदार अजित पाटील यांना निवेदन देण्यात आले.

या वेळी निवेदन देतांना हिंदुत्वनिष्ठ सर्वश्री धारकरी नीलेश आवाळे, अतुल काकडे, रोहित देशमाने, मनसेचे शशिकांत वाघ, भाजपचे अध्यक्ष भोर तालुका युवा वॉरियर्सचे रोहन भोसले, व्यसनमुक्ती महासंघाचे पांडुरंग पाटील आणि हिंदु जनजागृती समितीचे विश्वजीत चव्हाण आदी उपस्थित होते.