कॅनडामध्ये खलिस्तानी आतंकवादी हरदीप सिंह निज्जर याच्या सहकार्‍याच्या घरावर गोळीबार (Canada SimranjitSing Attack Blames India) 

भारताचा हात असल्याचा खलिस्तान्यांचा आरोप !

ओटावा (कॅनडा) – कॅनडाच्या सरे शहरामध्ये खलिस्तानी आतंकवादी हरदीप सिंह निज्जर याची काही मासांपूर्वी हत्या झाल्यानंतर आता त्याच्या सहकार्‍याच्या घरावर गोळीबार करण्यात आला. सिमरनजीत सिंह असे त्याचे नावे असून दक्षिण सरे येथील त्याच्या घरावर गोळीबार करण्यात आला. यात कुणीही घायाळ झाले नाही, असे पोलिसांकडून सांगण्यात आले आहे. या गोळीबारामागे भारताचा हात असल्याचा आरोप खलिस्तान्यांनी केला आहे. ‘सिमरनजीत याने भारतीय वाणिज्य दूतावासाबाहेर निदर्शने करण्यास पुढाकार घेतला होता. त्यामुळे त्याच्या घरावर गोळीबार करण्यात आला’, असा दावा खलिस्तान्यांनी केला आहे.