सनातन प्रभात > Post Type > बातम्या > आंतरराष्ट्रीय बातम्या > Indian Navy Rescue Operation : सोमालियाच्या समुद्री दरोडेखोरांनी कह्यात घेतलेल्या इराणी नौकेची  भारतीय युद्धनौकेने केली सुटका !

Indian Navy Rescue Operation : सोमालियाच्या समुद्री दरोडेखोरांनी कह्यात घेतलेल्या इराणी नौकेची  भारतीय युद्धनौकेने केली सुटका !

कोची (केरळ) – सोमालियाच्या समुद्री दरोडेखोरांनी (चाच्यांनी) कोचीच्या पश्‍चिमेला सुमारे ७०० समुद्री मैलांवर इराणी मासेमारी नौका कह्यात घेतली होती. या घटनेनंतर भारतीय नौदलाने या नौकेच्या सुटकेसाठी आय.एन्.एस्. सुमित्रा युद्धनौका तैनात केली. या युद्धनौकेने केलेल्या कारवाईनंतर इराणी नौकेची सुटका करण्यात आली. ‘एम्.व्ही. इमान’ असे या इराणी नौकेचे नाव असून त्यात १७ कर्मचारी होते.

भारतीय युद्धनौकेने तिच्यावरील ध्रुव हेलिकॉप्टरद्वारे इराणी नौकेला वेढा घातला आणि दरोडेखोरांना शस्त्रे खाली ठेवून सोमालियाच्या दिशेने जाण्यास सांगितले. यानंतर नौदलाने नौकेतील सर्व कर्मचार्‍यांची सुखरूप सुटका केली.

नूतन लेख