वेळ  मुहूर्ताची !

श्रीरामाचे मंदिर घडते
सर्वजण  आम्ही त्याचे साक्षी ।
शतकांची ही उज्ज्वल गाथा
होईल आता त्याची परिपूर्ती ।।१।।

श्रीराम अवतरणार मंदिरी
विराजमान होतील हरएक हृदयी ।
देवावीण होते सूने-सूने ( व्यर्थ )
मांगल्याचे घडे बरसतील मनी ।।२।।

प्रक्रिया मंदिराची चालू जाहली
हृदयी जनांच्या निनादे तुतारी ।
देहमंदिराची वास्तू आमची
मूर्ती  स्थापनेसाठी आतुरलेली ।।३।।

आक्रमकांनी  कुकरम्यानी
वास्तू मंदिराची विध्वंसली ।
भारतियांच्या हृदयमंदिराची
देवावीन झाली भग्न स्थिती ।।४।।

वर्षे लोटली शतके सरली
लढता लढता भारतभूची शकले झाली ।
मंदिर घडूनी स्थापना होता श्रीरामाची
प्रक्रिया ‘अखंड भारतभू’ची आरंभली ।।५।।

ह्या क्षणाची आतूरतेने
प्रतीक्षा करत होती ही खंडित भूमी ।
पूर्तता  ह्या  कार्याची  घडवेल
कोटी जनआकांक्षांची इतिश्री ।।६।।

साक्षी आपण सर्व जण कार्याचे
जीवनकाली आपुल्या मिळते संधी ।
चला जागवूया पुन्हा अल्पांशाने
रामराज्य स्थापनेची वेळ मुहूर्ताची ।।७।।

– श्री. महेश पारकर, शिरोडा, गोवा.