देशाला खिळखिळे करणार्‍या शक्तींचा निःपात होणारच, हे पंतप्रधानांनी दाखवून दिले ! – देवेंद्र फडणवीस, उपमुख्यमंत्री

ठाणे येथे आयोजित ‘रामायण महोत्सवा’चे उपमुख्यमंत्री देवेंद्र फडणवीस यांच्या हस्ते उद्घाटन

ठाणे, २१ जानेवारी (वार्ता.) – आतंकवादापासून मुक्तीचा प्रारंभ प्रभु श्रीरामाने केला. सज्जन शक्तीला त्रास देणार्‍या राक्षसांचा निःपात श्रीरामाने केला. त्याचप्रमाणे भारतातही दुष्ट शक्ती आहेत. देशाला खिळखिळे करणार्‍या, आतंकवाद माजवणार्‍या शक्तींचा निःपात होणारच, हे पंतप्रधान नरेंद्र मोदी यांनी दाखवून दिले आहे. आज आवश्यकता भासल्यास सर्जिकल स्ट्राईक, एअर स्ट्राईक केला जातो. ३७० कलम हटवून ‘भारताचे तुकडे करू देणार नाही’, असे दुष्ट शक्तींना सांगितले, असे वक्तव्य राज्याचे उपमुख्यमंत्री देवेंद्र फडणवीस यांनी ठाणे येथे केले. गावदेवी मैदाने येथे चालू असलेल्या रामायण महोत्सवाचे उद्घाटन त्यांच्या हस्ते झाले. त्या वेळी ते बोलत होते.