Delhi NRI Rape : देहलीच्या पंचतारांकीत हॉटेलमध्ये भारतीय वंशाच्या अमेरिकी महिलेवर बलात्कार !

आरोपी आस्थापनाचा मुख्य कार्यकारी अधिकारी, तर पीडिता साहाय्यक महाव्यवस्थापक !

नवी देहली – येथील एका पंचतारांकीत हॉटेलमध्ये भारतीय वंशाच्या अमेरिकी महिलेवर बलात्कार झाल्याची घटना उघडकीस आली आहे. बलात्कारी एका आस्थापनाचा मुख्य कार्यकारी अधिकारी (सीईओ) आहे, तर पीडित महिला याच आस्थापनात साहाय्यक महाव्यवस्थापक पदावर काम करत आहे. या घटनेविषयी देहलीतील चाणक्यपुरी पोलीस ठाण्यात तक्रार प्रविष्ट (दाखल) करण्यात आली आहे. पीडित महिला ४२ वर्षांची आहे.