राष्ट्रपती द्रौपदी मुर्मू यांनी घेतले ‘श्री शनैश्वरा’चे दर्शन !

शिंगणापूर (जिल्हा अहिल्यानगर) – राष्ट्रपती द्रौपदी मुर्मू यांनी शनिशिंगणापूर येथील ‘श्री शनैश्वर मूर्ती’चे दर्शन घेऊन पूजा केली, तसेच त्यांनी ‘उदासी महाराज मठा’मध्ये जाऊन अभिषेक केला. या वेळी श्री शनिशिंगणापूर संस्थानचे अध्यक्ष भागवत बनकर, उपाध्यक्ष विकास बनकर आणि कार्यकारी अधिकारी गोरक्षनाथ दरंदळे यांनी राष्ट्रपती मुर्मू यांना ‘शनिदेवाची प्रतिमा’ भेट देऊन त्यांचा सत्कार केला. त्यानंतर राष्ट्रपती मुर्मू यांनी सर्वांसमवेत प्रसाद घेतला.