(म्हणे) ‘तुम्हाला (पोलिसांना) येथून जावे लागेल कि आम्ही तुम्हाला पळवू ?’ – अकबरुद्दीन ओवैसी

भाग्यनगर (तेलंगाणा) – एम्.आय.एम्.चे नेते अकबरुद्दीन ओवैसी यांनी भरसभेत पोलिसांना धमकावले. पोलिसांनी वेळेत सभा थांबवण्याची सूचना केल्याने ‘चाकू आणि गोळ्या यांचा सामना केल्यामुळे मी दुर्बल झालो आहे’, असे तुम्हाला वाटत आहे का ? माझ्यात अजूनही धाडस आहे. सभेची ५ मिनिटे अजून उरली आहेत, मी आणखी ५ मिनिटे बोलणार. कुणी मायेचा पूत जन्माला आलेला नाही, जो मला थांबवू शकेल’, अशा शब्दांत अकबरुद्दीन यांनी पोलिसांना दम दिला. ते येथे तेलंगाणात विधानसभा निवडणुकांचा प्रचारसभेत बोलत होते. अकबरुद्दीन ओवैसी चंद्रयानगुट्टा मतदारसंघातून  निवडणूक लढवत आहेत. अकबरुद्दीन यांच्या या विधानानंतर पोलिसांनी त्यांच्या विरोधात गुन्हा नोंदवला आहे.

#WATCH | Telangana: AIMIM leader Akbaruddin Owaisi threatened a police inspector who was on duty and asked him to leave the spot while he was addressing a campaign in Lalitabagh, Hyderabad yesterday. The police inspector asked him to conclude the meeting on time as per the Model… pic.twitter.com/rf2tJAOk3b

— ANI (@ANI) November 22, 2023

अकबरुद्दीन यांनी पुढे उपस्थितांना संबोधून विचारले, ‘मी बरोबर बोललो ना ? जर मी केवळ इशारा केला, तर तुम्हाला (पोलिसांना) येथून जावे लागेल कि आम्ही तुम्हाला पळवू ? आम्हाला दुर्बल करण्यासाठी हे लोक येथे येत असतात.’