सातारा, १६ नोव्‍हेंबर (वार्ता.) – पॅलेस्‍टाईन येथील हमास या आतंकवादी संघटनेने इस्रायलवर आक्रमण करून १ सहस्र ४०० हून अधिक नागरिकांची हत्‍या केली. शेकडो महिलांवर बलात्‍कार करण्‍यासह लहान मुलांचा शिरच्‍छेद केला. अशा हमासला आतंकवादी संघटना म्‍हणून घोषित करावे, तसेच हमासला पोसणार्‍या पॅलेस्‍टाईनच्‍या समर्थनार्थ देशात मोर्चे काढणारे आणि आंदोलने करणारे यांच्‍यावर राष्‍ट्रीय सुरक्षा कायद्याच्‍या अंतर्गत कठोर कायदेशीर कारवाई करण्‍यात यावी, अशी मागणी हिंदु राष्‍ट्र-जागृती आंदोलनाद्वारे करण्‍यात आली. सातारा येथील जिल्‍हाधिकारी कार्यालयाच्‍या प्रवेशद्वाराजवळ आंदोलन करण्‍यात आले. या वेळी हिंदु महासभा महाराष्‍ट्र प्रदेश प्रमुख कार्यवाह अधिवक्‍ता दत्तात्रय सणस, विश्‍व हिंदु परिषदेचे जिल्‍हा मंत्री रवींद्र ताथवडेकर, बजरंग दलाचे जिल्‍हा संयोजक विक्रांत विभुते, अधिवक्‍ता धनंजय चव्‍हाण आणि अन्‍य धर्मप्रेेमी उपस्‍थित होते. या वेळी सातारा जिल्‍हा प्रशासनाला निवेदन देण्‍यात आले.
निवेदनामध्‍ये म्‍हटले आहे की, पॅलेस्‍टाईनमधील हमास ही जागतिक स्‍तरावरील क्रूर आतंकवादी संघटना आहे. अनेक पाश्‍चिमात्‍य देश आणि इस्‍लामी राष्‍ट्रे हमासला आतंकवादी संघटना मानतात. भारताने हमासला आतंकवादी संघटना म्‍हणून घोषित करण्‍याची वेळ आली आहे. भविष्‍यात भारतामध्‍ये आतंकवादी संघटनांनी आक्रमण केले, तर आज हमासला पाठिंबा देणारे उद्या आतंकवादी संघटनांना पाठिंबा देण्‍यासाठी रस्‍त्‍यावर उतरतील. काश्‍मीरमध्‍ये अशा प्रकारे सैनिकांवर आक्रमणे झाल्‍याचे सर्वांनी पाहिले आहे. हमासला पाठिंबा देणारे देशातील अंतर्गत संघर्षाला कारणीभूत ठरतील. यामुळे देशात गृहयुद्ध होण्‍याची शक्‍यता नाकारता येत नाही. या आतंकवाद्यांच्‍या समर्थकांना वेळीच पायबंद घालायला हवा. यामुळे केंद्रशासनाने याची वेळीच नोंद घेऊन संबंधितांविरुद्ध राष्‍ट्रीय सुरक्षा कायद्या अंतर्गत कठोर कायदेशीर कारवाई करावी.
विकसित महाराष्ट्राचा संकल्प पूर्ण करण्यासाठी जनता महायुतीला निवडून देणार ! – प्रभाकर सावंत, जिल्हाध्यक्ष, भाजप
मुंबईत पोलीस निरीक्षकावर आक्रमणकर्त्याच्या विरोधात गुन्हा नोंद !
पुणे महापालिकेच्या आवारात शिरस्त्राणसक्ती करण्याचा आदेश !
मंदिरांवरील विविध आघातांच्या विरोधात संघटित झालो, तरच हिंदु संस्कृती टिकेल !
१५ मिनिटांचे एकच उत्तर – १०० टक्के मतदान !
जोपर्यंत देशात अखंड एकता आहे, तोपर्यंत भारताला कुणीही तोडू शकत नाही ! – माधवी लता, भाजप नेत्या