Political Assassination In WB : बंगालमध्ये तृणमूल काँग्रेसच्या पदाधिकार्‍याची हत्या

हत्या करणार्‍याचा तृणमूलच्या समर्थकांनी केलेल्या मारहाणीत मृत्यू !

उत्तर २४ परगणा (बंगाल) : येथील जयनगरमध्ये तृणमूल काँग्रेसचे बामुंगाक्ष भागातील अध्यक्ष सैफुद्दीन लस्कर यांची त्यांच्या घराबोहर एका व्यक्तीने गोळ्या झाडून हत्या केली. लस्कर यांचे समर्थक आणि पत्नी यांनी या व्यक्तीला पकडून केलेल्या मारहाणीत त्याचा मृत्यू झाला.

 (सौजन्य : Zee News)

लस्कर यांची पत्नी येथील सरपंच आहे. लस्कर यांच्या हत्येमागे माकपचे कार्यकर्ते असल्याचा आरोप तृणमूलकडून करण्यात आला आहे. माकपच्या कार्यकर्त्यांनी आरोप केला आहे की, लस्कर यांच्या हत्येनंतर त्यांच्या समर्थकांनी आमच्या घरांत घुसून तोडफोड केली आणि आगी लावल्या.