रस्ते अपघातात घायाळ झालेल्यांना साहाय्य करणार्‍यांना १५ सहस्र ते १ लाख रुपये मिळणार

पूर्वीच्या रकमेत सरकार करणार वाढ !

नवी देहली – रस्ते अपघातात घायाळ झालेल्यांना तत्परतेने रुग्णालयात नेणार्‍यांना केंद्रशासनाकडून ‘समरीटन’ (देवदूत) योजनेंतर्गत ५ सहस्र रुपये देण्यात येतात. यात वाढ करून ही रक्कम १५ सहस्र करण्याची सिद्धता सरकार करत आहे. याखेरीज अशा प्रकारचे साहाय्य करणार्‍यांची संख्या वाढवण्यासाठी प्रत्येक पंचायतीमध्ये ३ जणांचा गट बनवण्यात येणार आहे. हा गट सर्वप्रथम साहाय्यासाठी जाईल. एका वर्षातील १० सर्वोत्तम साहाय्यकांना १ लाख रुपये मिळणार आहेत. मानधनाची रक्कम केंद्रीय रस्ते वाहतूक मंत्रालय राज्यांच्या परिवहन विभागांना देते.