१४ नोव्हेंबर या दिवशी मंदिरांमध्ये गोपूजा करा ! – धर्मादाय विभाग, कर्नाटक

कर्नाटकमधील धर्मादाय विभागाचा मंदिरांना आदेश !

बेंगळुरू (कर्नाटक) – राज्याच्या धर्मादाय विभागाने त्याच्या अंतर्गत येणार्‍या सर्व मंदिरांना दिवाळीनिमित्त १४ नोव्हेंबर या दिवशी गोपूजा करण्याचा आदेश दिला आहे. या दिवशी गायींना स्नान घालून मंदिरात आणून त्यांची पूजा करण्यास सांगितले आहे. गायीला हळद, कुंकू लावण्यास, फुलांद्वारे सजवण्यास, तसेच गायीला गोड पदार्थ खाऊ घालण्यास  सांगितले आहे. सायंकाळी ५.३० ते ६.३० या वेळेत गोपूजा करण्यास सांगण्यात आले आहे.

धार्मिक आणि सांस्कृतिक परंपरांचे अविभाज्य अंग असलेल्या गायींचे महत्त्व अन् संरक्षणासाठी जनजागृती करण्यासाठी मंदिरांमध्ये गोपूजेचे आयोजन करण्यात आल्याचे धर्मादाय विभागाने स्पष्ट केले.