देवाने प्रार्थना पूर्ण न केल्याने मंदिरात पेट्रोल बाँब फेकणार्‍याला अटक !

चेन्नई (तमिळनाडू) येथील वीरभद्र मंदिरातील घटना !

चेन्नई (तमिळनाडू) – येथील कोट्टावलचावडी भागातील वीरभद्र मंदिरात पेट्रोल बाँब टाकल्याच्या प्रकरणी मुरलीकृष्णन् या ३९ वर्षीय व्यक्तीला अटक करण्यात आली. ‘माझी प्रकृती ठीक नाही. प्रकृती बरी व्हावी, यासाठी मी प्रतिदिन देवाची प्रार्थना करत होतो; पण देवाने माझी मनोकामना पूर्ण केली नाही. त्यामुळे रागाच्या भरात मी मंदिरावर आक्रमण केले’, असे मुरलीकृष्णन् याने पोलिसांना सांगितले. ‘बाँब फेकतांना मुरलीकृष्णन् नशेत होता’, अशी माहिती पोलिसांनी दिली. त्याच्याविरुद्ध आधीही हत्येचा प्रयत्न आणि अन्य गुन्ह्यांची नोंद आहे.