हमासने ओलीस ठेवलेल्या इस्रायली ओलिसांसाठीही दिवाळीमध्ये एक दीप पेटवा ! – नागोर गिलॉन, भारतातील इस्रायलचे राजदूत

भारतातील इस्रायलचे राजदूत नागोर गिलॉन यांचे भारतियांना आवाहन !

नवी देहली – इस्रायल आणि हमास यांच्यातील युद्धाला एक महिना उलटून गेला आहे. हमासने २४० जणांना ओलीस ठेवले आहे. या संदर्भात भारतातील इस्रायलचे राजदूत नाओर गिलॉन यांनी दिवाळीच्या शुभेच्छा देतांना या ओलिसांसाठी एक आशेचा दीप नक्कीच लावा, असे आवाहन केले आहे.

गिलॉन यांनी ट्वीट करतांना म्हटले आहे की, प्रभु श्रीरामांच्या अयोध्येला परण्याची आठवण म्हणून दीप पेटवून दिवाळीचा सण साजरा केला जातो. या काळात आमचे २४० ओलीस एक महिन्यापासून हमासच्या आतंकवाद्यांकडे आहेत त्यांच्या परतण्याच्या आशेसाठीही एक दीप पेटवा.