अमेरिकेतील चिनी महावाणिज्य दूतावासात घुसली चारचाकी गाडी !

वॉशिंग्टन (अमेरिका) – अमेरिकेतील सॅन फ्रान्सिस्को येथील चीनच्या महावाणिज्य दूतावासमध्ये एक अनियंत्रित चारचाकी गाडी घुसली. त्यामुळे येथे गोंधळाचे वातावरण निर्माण झाले. या वेळी पोलिसांनी गाडीच्या चालकावर झाडलेल्या गोळ्यांमुळे त्याचा मृत्यू झाला. पोलीस या घटनेचे अन्वेषण करत आहेत. ठार झालेल्या चालकाची अद्याप ओळख पटू शकलेली नाही. चीनच्या दूतावासाने या घटनेला ‘आक्रमण’ म्हटले असून त्याची सखोल चौकशी करण्याची मागणी केली आहे.