रुग्‍णालयांना केंद्र सरकारच्‍या माध्‍यमातून आवश्‍यक ते साहाय्‍य पुरवले जाणार
मुंबई – नांदेडसह छत्रपती संभाजीनगर येथील शासकीय रुग्‍णालयांत झालेल्‍या रुग्‍णांच्‍या मृत्‍यूंची नोंद केंद्र सरकारने घेतली आहे. रुग्‍णांच्‍या मृत्‍यूविषयी रुग्णालय प्रशासनाकडून सविस्‍तर अहवाल मागवण्‍यात आला आहे. त्‍यानंतर कारवाई करण्‍यात येईल, अशी माहिती केंद्रीय आरोग्‍य राज्यमंत्री भारती पवार यांनी दिली. यासमवेतच राज्‍यातील शासकीय रुग्‍णालयांना केंद्र सरकारच्‍या माध्‍यमातून आवश्‍यक ते साहाय्‍य पुरवले जाईल, असे आश्‍वासनही डॉ. भारती पवार यांनी दिले आहे.
राज्यमंत्री भारती पवारांनी नांदेड रुग्णालय प्रशासनाकडून मागवला अहवाल#janpravas #janpravaslive #latestnews #JANPRAVS_LIVE #maharashtra #maharashtranews #nashik #healthminister #bhartipawar #sought #report #nandedhospital #administration pic.twitter.com/0UUZUYvVI7
— JanpravasLive (@JanpravasKop) October 3, 2023
प्रसारमाध्‍यमांशी बोलतांना डॉ. भारती पवार म्‍हणाल्‍या, रुग्‍णालयाच्‍या संबंधित अधिकार्‍यांशी माझे बोलणे झाले आहे. त्‍यांच्‍याकडून रुग्‍णांच्‍या मृत्‍यूविषयी खुलासा मागवला आहे. दगावलेल्‍या रुग्‍णांना नेमका कोणता आजार होता ? ते कधी रुग्‍णालयात भरती झाले होते ? ही सर्व माहिती मागवण्‍यात आली आहे. सविस्‍तर अहवाल आल्‍यानंतर पुढील कारवाई केली जाईल.
शासकीय वैद्यकीय महाविद्यालय आणि रुग्णालय यांवर सरकारचे लक्ष !शासकीय रुग्‍णालयांच्‍या दुरवस्‍थेविषयी डॉ. भारती पवार म्‍हणाल्‍या की, एन्.एम्.सी.च्‍या (नॅशनल मेडिकल कमीशन) मार्गदशक सूचना असून त्‍यांच्‍याकडून सातत्‍याने शासकीय रुग्‍णालयांची पडताळणी होत असते. चुकीच्‍या पद्धतीने वैद्यकीय महाविद्यालय चालत असेल, तर कारवाई केली जाते. जिथे सुविधा नसतील, अशा वैद्यकीय महाविद्यालयाला अनुमती दिली जाणार नाही, असा निर्णय घेण्‍यात आला आहे. शासकीय वैद्यकीय महाविद्यालये आणि रुग्‍णालये यांवर सरकारचे लक्ष आहे. |
फर्मागुढी (गोवा) येथील आयआयटी संकुलात बाँब ठेवल्याचा खोटा संदेश
नोकरी घोटाळा प्रकरणी चौकशीसाठी निवृत्त न्यायमूर्तींच्या अध्यक्षतेखाली आयोग नेमा ! – काँग्रेस
पुणे येथील ‘सवाई गंधर्व भीमसेन महोत्सवा’साठी ध्वनीक्षेपकाची अनुमती
कोल्हापूर जिल्ह्यात गृह मतदानाला प्रारंभ !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !
वैकुंठचतुर्दशीच्या निमित्ताने कोल्हापूर येथील श्री महालक्ष्मीदेवीची करण्‍यात आलेली विशेष रूपातील पूजा !