पुणे येथे लग्‍नाचे आमीष दाखवून बलात्‍कार केल्‍याप्रकरणी शिक्षकाला सक्‍तमजुरी !

शिक्षणक्षेत्राला कलंक असलेले वासनांध शिक्षक !

पुणे – लग्‍नाचे आमीष दाखवून तरुणीवर बलात्‍कार केल्‍याप्रकरणी बाळासाहेब बांगर या शिक्षकाला ७ वर्षे सक्‍तमजुरी आणि ५ सहस्र रुपये दंडाची शिक्षा ठोठावण्‍यात आली आहे, तसेच फसवणूक केली म्‍हणून ३ वर्षे सक्‍तमजुरी आणि ३ सहस्र रुपये दंडाची शिक्षा ठोठावण्‍यात आली आहे. पोलिसांनी बांगर याच्‍यावर बलात्‍काराचा, फसवणुकीचा, तसेच धमकीचा गुन्‍हा नोंद करून त्‍याला अटक केली आहे.

पीडिता वर्ष २००६ मध्‍ये सांगली येथे डी.एड्.चे शिक्षण घेत होती. तेव्‍हा ओळखीचे रूपांतर प्रेमात झाले. तेव्‍हापासून वर्ष २०१२ पर्यंत आरोपी लग्‍नाचे आमीष दाखवून पीडितेशी शारीरिक संबंध प्रस्‍थापित करत होता. आरोपीने पीडितेला ‘५ लाख रुपये दे, अन्‍यथा छायाचित्रे सामाजिक माध्‍यमांवर प्रसारित करीन’, अशी धमकी देऊन मारहाणही करत होता. शेवटी या त्रासाला कंटाळून वर्ष २०१२ मध्‍ये खेड पोलीस ठाण्‍यात पीडितेने तक्रार प्रविष्‍ट केली होती.