सहदिवाणी न्यायालय कनिष्ठ स्तर यांच्या स्थगिती आदेशाविरुद्ध वरिष्ठ न्यायालयात अपील प्रविष्ट ! – राजेंद्र शेळके, मंदिरे सिमती

पंढरपूर – ‘श्री विठ्ठल रुक्मिणी मंदिरे समिती’च्या वतीने करण्यात येणार्‍या श्री विठ्ठल मूर्ती संवर्धन प्रक्रियेसंदर्भात दिवाणी न्यायालयाने अंतरिम स्थगिती आदेश पारित केला आहे. न्यायालयाने दिलेल्या स्थगिती आदेशाविरुद्ध वरिष्ठ न्यायालयात अपील प्रविष्ट करण्यात आले असून त्या अपिलावरील सुनावणी २३ जून या दिवशी होणार आहे. त्यामुळे सद्यस्थितीत २३ आणि २४ जून या दिवशी श्री विठ्ठल-रुक्मिणी मंदिर भाविकांच्या दर्शनासाठी नियमितपणे खुले रहाणार असून दर्शन व्यवस्था पूर्ववत चालू राहील, याची वारकरी, भाविक आणि नागरिक यांनी नोंद घ्यावी, असे आवाहन ‘श्री विठ्ठल रुक्मिणी मंदिरे समिती’चे कार्यकारी अधिकारी राजेंद्र शेळके यांनी केले आहे.