सनातन प्रभात > Post Type > बातम्या > आंतरराष्ट्रीय बातम्या > जगभरातील हिंदूंनी पाकमधील हिंदूंवर होणार्‍या अत्याचारांच्या विरोधात आवाज उठवायला हवा ! – दानिश कनेरिया, पाकिस्तान क्रिकेट संघाचे माजी खेळाडू

जगभरातील हिंदूंनी पाकमधील हिंदूंवर होणार्‍या अत्याचारांच्या विरोधात आवाज उठवायला हवा ! – दानिश कनेरिया, पाकिस्तान क्रिकेट संघाचे माजी खेळाडू

दानिश कनेरिया

इस्लामाबाद (पाकिस्तान) – पाकिस्तानमधील ऐतिहासिक मंदिरे नष्ट केली जात असतांना आंतरराष्ट्रीय सुमदाय शांत का आहे ? येथे प्रतिदिन धर्मांतर, अपहरण, बलात्कार आणि हत्या यांच्या असंख्य घटना घडत आहेत. येथे धार्मिक स्वातंत्र्य नाही. जगभरातील हिंदूंनी पाकमधील हिंदूंवर होणार्‍या अत्याचारांच्या विरोधात आवाज उठवायला हवा, असे ट्वीट पाकिस्तान क्रिकेट संघाचे माजी खेळाडू आणि हिंदु असलेले दानिश कनेरिया यांनी केले.

मागील ४ दिवसांत पाकमधील हिंदूंच्या दोन मंदिरांवर आक्रमण करण्यात आले. त्यावरून कनेरिया यांनी वरील ट्वीट केले. कनेरिया हे हिंदु असल्यामुळे त्यांना पाकिस्तानी क्रिकेट संघाकडून अपमानित केले गेले आणि खेळण्याची पुरेशी संधी दिली गेली नाही, असा आरोप स्वत: कनेरिया यांनी काही वर्षांपूर्वी केला होता.

संपादकीय भूमिका 

पाकिस्तानी हिंदूंच्या व्यथेवर तर नाही; परंतु किमान भारतीय हिंदूंवर होणार्‍या अत्याचारांच्या विरोधात तरी सचिन तेंडुलकर, सुनील गावस्कर, सौरव गांगुली, महेंद्रसिंह धोनी, विराट कोहली आदी आजी अथवा माजी क्रिकेटपटू कधीच काही बोलत नाहीत, हे जाणा ! अशांना बहुसंख्य हिंदूंनी तरी मोठे का करावे, असे कुणी विचारल्यास आश्‍चर्य वाटू नये !

नूतन लेख