अमरनाथ यात्रेला १ जुलैपासून प्रारंभ

श्रीनगर – अमरनाथ यात्रेला १ जुलै पासून प्रारंभ होणार आहे. ही यात्रा ६२ दिवस चालणार आहे. ३१ ऑगस्ट २०२३ या दिवशी यात्रेची सांगता होणार आहे. केंद्रीय गृहमंत्री अमित शहा यांनी ९ जून २०२३ या दिवशी घेतलेल्या एका उच्चस्तरीय बैठकीत यात्रेसाठी केलेल्या सुरक्षा सिद्धतेचा आढावा घेतला. या बैठकीत जम्मू-काश्मीरचे नायब राज्यपाल आणि सुरक्षायंत्रणांचे प्रमुख सहभागी झाले होते. ‘श्री अमरनाथ श्राईन बोर्ड’ने यात्रेच्या कालावधीत अनेक खाद्यपदार्थांच्या वापरावर बंदी घातली आहे.

अमरनाथ यात्रा 1 जुलाई 2023 से शुरू हो रही है। 62 दिनों तक यात्रा चलेगी। 31 अगस्त को यात्रा समाप्त होगी। श्राइन बोर्ड ने कई खाद्य पदार्थों के इस्तेमाल को प्रतिबंधित कर ​दिया है।https://t.co/QVYH4kkVbD

— ऑपइंडिया (@OpIndia_in) June 10, 2023

अमरनाथ यात्रा अत्यंत दुर्गम पहाडी रस्त्यांवरून जाते. गेल्या काही वर्षांपासून या यात्रेला आतंकवादी लक्ष्य करत आहेत. (अमरनाथ यात्रेच्या रस्त्यांवर आतंकवाद्यांच्या आक्रमणाचे सावट असणे, हे लज्जास्पद होय ! – संपादक) त्यामुळे या कालावधीत अत्यंत कडक सुरक्षाव्यवस्था ठेवण्यात आली आहे. यात्रेकरूंना तुकड्यांमध्ये पाठवले जाते.