सनातन प्रभात > Post Type > बातम्या > राष्ट्रीय बातम्या > धर्मांतरास नकार देणार्‍या हिंदु तरुणीची मुसलमान तरुणाकडून विष पाजून हत्या !

धर्मांतरास नकार देणार्‍या हिंदु तरुणीची मुसलमान तरुणाकडून विष पाजून हत्या !

  • शाहजहापूर (उत्तरप्रदेश) येथे लव्ह जिहाद !

  • दोघा मुसलमान तरुणांना अटक

  • हिंदु असल्याचे सांगून हिंदु तरुणीला ओढले होते प्रेमाच्या जाळ्यात !

शाहजहापूर (उत्तरप्रदेश) – येथे नावेद या मुसलमान तरुणाने हिंदु असल्याचे सांगून एका हिंदु दलित तरुणीला प्रेमाच्या जाळ्यात ओढले. तिच्याशी शारीरिक संबंध ठेवल्याने ती गर्भवती झाली. त्यानंतर तिला इस्लामी स्वीकारण्यास सांगितले; मात्र तिने नकार दिल्याने नावेदने तिला विष पाजून तिची हत्या केली. या प्रकरणी पोलिसांनी नावेद आणि त्याचा साथीदार फरहाद यांना अटक केली आहे.

सीमा गौतम असे मृत तरुणीचे नाव आहे. ती येथील एका रुग्णालयाच्या स्वागतकक्षात नोकरी करत होती. तेथे तिची नावेद याच्याशी ओळख झाली आणि त्याने तिला प्रेमाच्या जाळ्यात ओढले. त्यानंतर ते दीड वर्ष येथील एका भाड्याच्या घरात ‘लिव-इन-रिलेशनशिप’मध्ये (विवाह न करता एकत्र रहाणे) रहात होते. सीमाच्या भावाने आरोप केला आहे की, नावेद आणि त्याच्या साथीदारांनी सीमाचे अश्‍लील व्हिडिओ बनवले होते आणि त्याद्वारे ते तिच्यावर धर्मांतरासाठी दबाव आणत होते. सीमाने ही माहिती स्वतःच्या कुटुंबियांना दिल्यामुळे धर्मांधांनी सीमाला विष पाजून ठार मारले.

संपादकीय भूमिका

  • उत्तरप्रदेशमध्ये लव्ह जिहादविरोधी कायदा करण्यात आला आहे; मात्र तरीही राज्यातील लव्ह जिहादच्या घटना थांबलेल्या नाहीत. त्यामुळे आता अशा घटनांसाठी फाशीची शिक्षा करण्याचीच तरतूद करणे आवश्यक आहे !
  • अशा घटनांविषयी देशातील निधर्मीवादी राजकीय पक्ष, त्यांचे नेते, मानवाधिकार आयोग आदी गप्प बसतात, हे लक्षात घ्या !

नूतन लेख